Адпаведны законапраект знаходзіцца на разглядзе камісіі па нацбяспецы. Гэта ініцыятыва МУС - унесці шэраг змяненняў, якія дазваляюць змякчыць пакаранне для падлеткаў, якія сталі на шлях выпраўлення. У іх з'явіцца стымул для рэсацыялізацыі і сацыяльнай адаптацыі. А пасля дасягнення 18 гадоў яны могуць быць пераведзены ва ўстановы з больш мяккім рэжымам знаходжання.
Уладзіслаў Мандрык, намеснік начальніка Дэпартамента выканання пакаранняў МУС Беларусі: "У грамадстве паэтапна мы назіраем дынаміку зніжэння колькасці асуджаных, якія адбываюць пакаранне ў выхаваўчай калоніі, і разумеем, што ў пэўны этап часу наспявае неабходнасць рабіць крокі па гуманізацыі заканадаўства".
Напярэдадні семінар Палаты прадстаўнікоў праходзіў як раз у выхаваўчай калоніі № 2 Магілёўскай вобласці. Яго ўдзельнікі не толькі абмяркоўвалі актуальныя пытанні, але і азнаёміліся з умовамі жыцця асуджаных у калоніі.
