Больш за паўтары тысячы актывістаў “Белай Русі”, Саюза моладзі, а яшчэ прафсаюзнай арганізацыі і Камуністычнай партыіі сёння з самай раніцы наводзілі чысціню ў сталічным парку Перамогі. Спачатку – невялікі святочны мітынг, і – адразу за працу. У планах – да канца дня – не толькі прыбраць леташняе лісце і падмесці дарожкі, але і аднавіць клумбы. А пасля працы, паабяцалі арганізатары, усіх удзельнікаў суботніка пачастуюць сапраўднай салдацкай кашай.
Парк Перамогі сёння стаў адным з самых папулярных месцаў для суботніка ў Мінску. Тэрыторыю ля Камсамольскага возера сімвалічна прыбіралі і актывісты самага масавага маладзёжнага аб’яднання краіны. Тут сабраліся адразу некалькі пакаленняў: ад падлеткаў да прадстаўнікоў Савета ветэранаў камсамольскага маладзёжнага руху. Працаваць на суботніках менавіта ў гэтым парку ўжо стала для Беларускага саюза моладзі добрай традыцыяй.
Аб гэтым сведчыць і тое, што менавіта на гэтым месцы працавалі на суботніках камсамольцы і піянеры нават да пачатку Вялікай Айчыннай вайны. А само Камсамольскае возера было пабудавана пры дапамозе актыўнай моладзі.