Знаходкі на тэрыторыі Літаратурнага музея Янкі Купалы
Навуковы супрацоўнік Літаратурнага музея Янкі Купалы Павел Каралёў паказвае не проста знаходкі – артэфакты мінулых стагоддзяў. Падкова, рэшткі чайнікаў, кубкаў, талерак. На гэтай тэрыторыі калісьці стаялі хаты Купалы, Луцкевічаў і лазня Плаўскага.
Падмуркі гэтых дамоў і знайшлі падчас рэканструкцыі парка, калі перакладалі падземныя камунікацыі. Экспанаты вырашана закансерваваць.
Рэканструкцыя парку імя Янкі Купалы
Адкрыюць парк пасля рэканструкцыі ў чэрвені. Да гэтага часу адрамантуюць пешаходныя дарожкі, адновяць лаўкі і агароджу, заменяць асвятленне. А ў цэнтры з'явіцца квітнеючая кампазіцыя папараць-кветкі.
Яшчэ адным этапам рэканструкцыі стане фантан на Свіслачы. Першы на вадзе з музычным суправаджэннем і лазернымі інсталяцыямі. Зараз вядзецца яго ўстаноўка.
Новы сезон у гарадскіх парках і атракцыёнах
Да адкрыцця рыхтуюць і гарадскія паркі з атракцыёнамі. У парку Чалюскінцаў з'явілася новая асобная дзіцячая пляцоўка.
Продаж квіткоў на атракцыёны анлайн
Ужо сёлета набыць білеты на атракцыёны можна будзе анлайн. У мабільным дадатку дастаткова зарэгістраваць акаўнт, прывязаць да яго банкаўскую картку і праз тэлефон купляць квіткі. Пачатак сезона запланаваны на канец красавіка.