Ці маглі мы сабе ўявіць, што страшныя рэчы, якія адбываліся на нашай зямлі 75 гадоў таму, могуць паўтарыцца? Што мы зноў убачым калабарацыянісцкія флагі, пачуем заклікі падзяліць народ на сваіх і чужых. І што хтосьці з нас, беларусаў, зможа паверыць у гэта і пайсці за гэтым.
Менавіта таму так важна сёння памятаць гісторыю, ведаць сваіх сапраўдных герояў і паважаць памяць тых, хто абараніў нашу зямлю.
Сёння эстафету патрыятычнага праекта "Памяць сэрца" прынялі беларускія студэнцкія атрады. У Мінску ў мемарыяльным комплексе "Трасцянец" ля манумента "Брама памяці" прайшоў мітынг-рэквіем.
Кіраўнікі моладзевых працоўных праектаў (камандзіры, камісары студэнцкіх атрадаў) хвілінай маўчання ўшанавалі памяць загінуўшых і ўсклалі да манумента кветкі. А запаленымі лампадамі выклалі малюнак з надпісам "Памяць сэрца". Дарэчы, найбуйнейшы ў Беларусі лагер смерці Трасцянец быў створаны нацыстамі восенню 1941. Паводле афіцыйных звестак, тут былі па-зверску закатаваны, расстраляны і спаленыя больш за 200 тысяч мірных жыхароў і савецкіх ваеннапалонных. Па колькасці ахвяр фашызму канцлагер стаў чацвёртым пасля Асвенціма, Майданека і Трэблінкі.
І сёння галоўная задача моладзевай ініцыятывы - захаваць гістарычную памяць аб подзвігу савецкага народа ў гады Вялікай Айчыннай вайны. Рэспубліканскі патрыятычны праект "Памяць сэрца" ўжо ахапіў усе рэгіёны Беларусі.













