Усе падрабязнасці ў рэпартажы Вольгі Халадовіч.
Скараціць выдаткі на паслугі і рацыянальна выкарыстаць бюджэтныя сродкі. Сфера жыллёва-камунальнай гаспадаркі заўсёды была пад пільнай увагай Прэзідэнта.
І задачы перад ёй стаяць вельмі дакладныя - удасканальваць механізм па разліках за паслугі ЖКГ і зрабіць працу максімальна эфектыўнай.
Па даручэнні Прэзідэнта для вывучэння праблемных пытанняў у жыллёва-камунальнай гаспадарцы была створана спецыяльная рабочая група. Яе ўзначаліў старшыня Камітэта дзяржкантролю краіны Аляксандр Якабсон. Сёння рабочая група ацаніла маштаб гомельскага эксперыменту.
Працаваць без пасрэднікаў мясцовыя энергетыкі пачалі ў 2004 годзе. Людзі сталі разлічвацца з пастаўшчыком цяпла напрамую, а не праз ЖКГ, як раней. На Гомельэнерга сталі атрымліваць сродкі хутчэй, своечасова закупляць неабходную сыравіну і прыводзіць у парадак цепласеткі.
Канстанцін Таранаў, першы намеснік старшыні Камітэта дзяржкантролю Гомельскай вобласці: Найважнейшы такі колькасны паказчык эксперыменту, што на метр квадратны жылой плошчы знізілася спажыванне цеплаэнергіі. Гэта паніжэнне склала каля 27%, гэта значыць, больш, чым на чвэрць адбылося паніжэнне.
Яны эканомяць цяпло, а, такім чынам, менш плацяць па квітанцыях. Такая якасць паслуг - задавальняе абодва бакі.
Яшчэ адзін плюс эксперымента - памяншэнне колькасці зваротаў ад спажыўцоў. Калі на пачатак увядзення эксперымента іх было больш як 200 за год, то летась - усяго 8.
Адзінае, што псуе паказчыкі гомельскага эксперымента, гэта мясцовыя цепласеткі. Паводле дакументаў, яны належаць ЖКГ, хоць іх абслугоўваннем ужо даўно займаюцца энергетыкі. За транзіт цяпла з Гомельэнерга ў кожную пэўную кватэру цепласеткі атрымліваюць больш як 60 мільярдаў рублёў за год.
Дзмітрый Згурскі, начальнік упраўлення ЖКГ Гомельскага аблвыканкама: Гэта ў сваю чаргу таксама цягне за сабою груз дадатковых выдаткаў у выглядзе падаткаў, што ў канчатковым выніку павялічвае сабекошт канчатковага прадукту.
Сваім вопытам гамяльчане гатовыя падзяліцца і з іншымі рэгіёнамі краіны. Гэтыя пытанні будзе кантраляваць рабочая група.
Па якіх прынцыпах будзе працаваць жыллёва-камунальная гаспадарка, стане вядома да 1 мая. Менавіта тады рабочая група падвядзе вынікі маніторынгу па ўсёй краіне і раскажа аб зробленых высновах Прэзідэнту.