Пілотны праект па школьным харчаванні плануюць прадоўжыць да канца навучальнага года. Пра гэта заявіў прэм'ер-міністр Беларусі Раман Галоўчанка пасля нарады па новых падыходах да меню і арганізацыі абедаў для дзяцей.
Такая просьба прагучала з рэгіёнаў, бо першапачаткова планавалі завяршыць пілот да канца красавіка, каб пасля новыя стравы з'яўляліся ў сталовых усіх школ сталіцы і абласцей.
У пілотным праекце ўдзельнічае 21 школа: па 3 у кожнай вобласці і 3 у Мінску. У меню з'явіліся новыя стравы, у тым ліку пельмені, курыныя плечыкі, кебабы, мясныя гнёзды, хот-догі, медальёны.
