Суд Ленінскага раёна Мінска вынес прысуд 17 падазроным у махлярстве ў сферы аўтастрахавання
З матэрыялу следства вядома, што ідэйным натхніцелем незаконнай схемы стаў 43-гадовы жыхар Салігорска. Першы эксперымент мужчына правёў на ўласнай "вольва" ў 2012-м. Прычым аварыі нават не было, а толькі інсцэніроўка. Але гэта не перашкодзіла зламысніку атрымаць свае першыя грошы. З тых часоў аферыст, заручыўшыся падтрымкай сваіх аднадумцаў, правёў яшчэ амаль 2 дзясяткі падобных інсцэніровак. Падстаўныя ДТЗ разгортваліся, як правіла, на бязлюдных трасах Мінскай вобласці.
аператыўны супрацоўнік 10-га ўпраўлення ГУБАЗіК МУС Беларусі: "Пашкоджанні прычыняліся механічным спосабам з выкарыстаннем нейкіх старонніх прадметаў - малатка, падручных сродкаў. Правакавалася спрацоўванне падушак бяспекі, пашкоджваліся нейкія больш істотныя элементы для таго, каб завысіць кошт або памер выплаты пры аглядзе аўтамабіля страхавой кампаніяй".
Пасля ўдалых інсцэніровак аферысты атрымлівалі грошы ў страхавых фірмах. За 4 гады мужчынам удалося зарабіць 160 тысяч рублёў. Падчас следства частка падазроных знаходзіліся пад падпіскай аб невыяздзе. Сёння ўсіх вінаватых заключылі пад варту. Прысуд у законную сілу яшчэ не ўступіў, у абвінавачаных ёсць 10 дзён на абскарджанне.
