Ашмянская мытня з 1 кастрычніка спыніць сваё існаванне, а зона адказнасці пяройдзе пад юрысдыкцыю Гродзенскай рэгіянальнай мытні. Пра гэта сёння заявіў кіраўнік Мытнага камітэта Юрый Сянько, распавядаючы пра аптымізацыю ведамства. За два гады звольнена больш за 300 службовых асоб, якія падазраваліся ў карупцыі, звыш 150 пераведзены на іншыя кірункі.
Сёння на калегіі ў Дзяржаўным мытным камітэце падводзілі вынікі працы за паўгода. Ключавая тэма абмеркавання - наркатрафік праз Беларусь. Толькі з пачатку гэтага года канфіскавана 360 кілаграмаў наркотыкаў, гэта ў 34 разы больш, чым за аналагічны паказчык мінулага года.
