У гэтыя выхадныя традыцыйныя восеньскія кірмашы адбудуцца на шматлікіх сталічных пляцоўках. На дэгустацыю сваю прадукцыю прапануе паўночны - Віцебскі рэгіён. У асартыменце будуць не толькі сезонная садавіна і гародніна, але і хлебабулачныя, мясныя, рыбныя, кандытарскія вырабы, а таксама адзенне, абутак і нават прамысловыя тавары.
Галоўным месцам гандлю стане пляцоўка ля "Чыжоўка-Арэны". Там сваю прадукцыю прапануюць фермеры і сельгаспрадпрыемствы з усёй краіны.
Набыць бульбу, яблыкі, журавіны можна будзе і ва ўсіх раёнах горада. Там таксама арганізуюць гандлёвыя пляцоўкі. Адрасы кірмашоў ля дома зараз на экране. Дарэчы, для маламабільных людзей і ўдзельнікаў вайны арганізуюць і бясплатную дастаўку прадукцыі.
А яшчэ праз тыдзень вялікі восеньскі кірмаш запрашае мінчан на пляцоўку ля Палаца спорту. Сезон выгаднага гандлю прадоўжыцца да лістапада.