Арэхавы Спас сёння адзначаюць праваслаўныя веруючыя

Каравай з хлеба новага ўраджаю сёння стане галоўнай стравай на сталах праваслаўных. Вернікі адзначаюць Арэхавы Спас. Трэці, пасля Мядовага і Яблычнага. Яго яшчэ называюць хлебным. Па народных прыметах, калі ўраджай арэхаў добры, то ў наступным годзе ўродзяцца збажжавыя. У народзе свята яшчэ называюць Восеньскім Спасам і Халодным Спасам. Гэта нагадвае аб тым, што з заканчэннем жніўня лета саступае месца восені.