Інавацыйныя, сацыяльныя і экалагічныя праекты на карысць краіне. У сталіцы вызначаны лепшыя ініцыятывы, якія Мінск прэзентуе на рэспубліканскім конкурсе "100 ідэй для Беларусі".
Шэсць пераможцаў з паўтысячы кандыдатаў. Упершыню ў гісторыі конкурсу яшчэ дваццаць праектаў трапяць у фінал. У найбліжэйшыя дні ў юных распрацоўшчыкаў майстар-класы ў бізнес-школе. З аўтарамі стартапаў сустрэлася Юлія Токар.
Ініцыятыўная каманда студэнтаў БДУІР, радыётэхнічнага каледжа і валанцёраў грамадскага аб'яднання "Адкрыццё" пачала распрацоўваць навігатар для маламабільных людзей. Гэта дадатак для смартфона, дзе вуліцы Мінска, пешаходныя і падземныя пераходы, гандлёва-забаўныя цэнтры пазначаны пэўным колерам - па шкале даступнасці для людзей з фізічнымі абмежаваннямі.
Такім чынам навігатар пракладзе максімальна зручны маршрут. Праўда, пакуль у Мінску вуліц, дзе на калясцы можна самастойна перамяшчацца, вельмі мала.
Гэта распрацоўка ўвайшла у спіс лепшых з сотні ідэй для Беларусі. На гарадскім конкурсе вызначылі шэсць пераможцаў з паўтысячы кандыдатаў. Упершыню яшчэ дваццаць праектаў трапяць у фінал. У найбліжэйшыя дні для іх пачнуцца майстар-класы ў бізнес-школе.
Ад ідэі да бізнесу. Вось так актуальная ініцыятыва можа ператварыцца ў прыбытковы праект, які не толькі паляпшае інфраструктуру горада, дазваляе яго маладым прадпрымальнікам зарабляць. Арганізатары конкурсу імкнуцца, каб выстава "100 ідэй для Беларусі" стала сапраўдным бізнес-форумам для моладзі.
