Родныя Алега Навіцкага не змаглі прыехаць у Казахстан. Але да яго вяртання прыгатавалі любімыя стравы касманаўта - бульбяны пірог, свіныя рэбрышкі, бярозавік і нарачанскі хлеб. Таксама вырасцілі зялёны лук і перцы. Пасля паўгода ў космасе арганізму неабходныя натуральныя вітаміны. У гэтым палёце Алег Навіцкі ажыццявіў сваю даўнюю мару - выйшаў у адкрыты космас, прычым тройчы.
У гэтую экспедыцыю Алег Навіцкі ажыццявіў тры выхады ў адкрыты космас
Сёння вечарам Алег Навіцкі павінен вярнуцца спецыяльным бортам на ваенны аэрадром Чкалаўскі. Касманаўта і здымачную групу чакае рэабілітацыя. Адразу пасля прылёту яны адправяцца ў санаторый, дзе пад наглядам урачоў будуць аднаўляць сілы пасля працы ў бязважкасці.
