Беларусь рыхтуецца маштабна адсвяткаваць 75-ую гадавіну вызвалення і Вялікую Перамогу. Гэтую тэму адной з першых узняў Прэзідэнт у Пасланні. Наша гісторыя пачалася больш як тысячу гадоў таму, але яна магла скончыцца ў саракавыя гады мінулага стагоддзя. Перашкодай стала гераічнасць нашага народа.
Даты і падзеі, пра якія ў нашы дні гавораць мільёны старонак успамінаў аб нечуванай мужнасці. Агенцтва тэленавін падрыхтавала чарговую серыю маштабнага праекта "Беларусь памятае". Яна прысвечана ўдзельніку Вялікай Айчыннай вайны палкоўніку ў адстаўцы Юрыю Сергіеўскаму. Падчас ваенных дзеянняў ён двойчы быў цяжка паранены, але кожны раз ірваўся на поле бою, каб дапамагчы сваім таварышам і выканаць пастаўленую задачу да канца. Пасля вайны яго кіцель упрыгожылі два ордэны Чырвонай Зоркі, тры ордэны Айчыннай вайны, медалі "За ўзяцце Кёнігсберга" і "За перамогу над Германіяй у Вялікай Айчыннай вайне". Ён пражыў 101 год і нават на парозе свайго другога стагоддзя мог з дакладнасцю апісаць усе страшныя падзеі франтавых гадоў, якія сніліся яму кожную ноч пад мірным небам (відэа).
