Абноўлены Падатковы кодэкс будзе садзейнічаць добраахвотнай выплаце збораў у бюджэт

14 Верасня 2018

Паступленні ў казну ад бізнесу павінны прыходзіць не шляхам штрафаў і пені, а пасля апавяшчэнняў падатковай. Як расказаў сёння профільны міністр, тэндэнцыя ўжо вызначылася. Сумы добраахвотных адлічэнняў растуць. Праверкі - а ў выніку іх штрафы - прыносяць у бюджэт толькі каля 15 % падаткаў. Лінію на стымуляванне добраахвотных плацяжоў падтрымае новы падатковы дакумент. У ім знойдзе адлюстраванне і прынцып адпаведнасці пакаранняў. Актуальную практыку ўжывання законаў сёння абмеркавалі прадстаўнікі Вярхоўнага суда і падатковага ведамства.

Сяргей Налівайка, Міністр па падатках і зборах Беларусі: "Мы прапаноўваем, і пакуль прадугледжана ў праекце змен у Падатковы кодэкс, што пені не павінны перавышаць суму падаткаў, якія даналічваюцца. Гэта таксама адзін з прынцыпаў разумнасці і адпаведнасці пакарання".

Юрый Кобец, намстаршыні Вярхоўнага суда Беларусі: "Часцяком санкцыі значна перавышаюць памер негатыўных наступстваў, якія пацягнулі тыя або іншыя парушэнні. Самая вялікая праблема - сысці ад фармальнага падыходу да ўжывання гэтых санкцый. Не кожнае парушэнне цягне за сабою сур'ёзнае наступства, таму яно не павінна служыць падставай прыпынення або ліквідацыі суб'екта гаспадарання".

Сёння Падатковы кодэкс на фінальнай стадыі ўзгадненняў. У далейшым падатковую рэформу працягнуць. Задача - прыйсці да паніжэння падатковай нагрузкі для плацельшчыкаў. Застаецца на парадку дня і пытанне адлічэнняў у Фонд сацабароны насельніцтва.