Радыёпрыёмнік "Страла", пыласос "Чайка" і друкаваная машынка "Арбіта" - сапраўдныя рарытэты, якія перажылі шэсць дзесяцігоддзяў, вярнуліся ў магазін. Абноўленыя вітрыны сталічнага ўнівермага пераносяць пакупнікоў у час адкрыцця. Атмасферу 50-60-ых гадоў ствараюць шэсць рэтраэкспазіцый. У іх размясціліся старыя фотаздымкі, цацкі, мэбля... Бліжэй да лістапада, калі галоўны магазін адзначыць сваё 65-годдзе, у адпаведным стылі аздобяць і цэнтральную лесвіцу.
Рарытэтная экспазіцыя будзе ўпрыгожваць вітрыны да вясны. Таму падчас Новага года рэтравыставу толькі дапоўняць каляднымі цацкамі, гірляндамі і мішурой.
