Падчас гульні або спаборніцтваў веды набываюцца лягчэй. Абласная алімпіяда па правілах дарожнага руху сабрала паўсотні школьнікаў. Дарэчы, Мінская вобласць – адзіная ў краіне, дзе ладзяць такі турнір.
За перамогу вучні спаборнічалі як паасобку, так і ў камандзе. Заданні выконвалі ў спецыяльнай камп'ютарнай праграме: яна стварае рэалістычныя дарожныя сітуацыі.
Падрабязней - Аляксандра Кавеліч. Якія сігналы паказвае рэгуліроўшчык і як перасекчы дарогу веласіпедысту. На вырашэнне дзесяці задач на правілы дарожнага руху сямікласніку Уладу хапае ўсяго паўтары хвіліны. На ўсе адказы анлайн-сістэма паказвае юнаму інспектару зялёнае святло.
Абласная алімпіяда па правілах дарожнага руху сёлета аб’яднала больш за паўсотню школьнікаў. За перамогу спаборнічаюць як паасобку, так і ў камандзе – разам ацэньваюць дарожную сітуацыю, змадэляваную ў 3D-фармаце.
Сярод удзельнікаў – вучні з пятага па сёмы класы. Карысную інфармацыю вывучаюць пераважна ў гульнявой форме. Таму заданні бяспечнай алімпіяды таксама максімальна займальныя.
Падчас конкурсу школьнікі дэманструюць і творчыя ідэі. Кожная каманда прывезла з сабой яркі плакат на тэму дарожнага руху. Лепшыя з малюнкаў неўзабаве ператворацца ў білборды, якія ўсталююць на дарогах Мінскай вобласці.
У тройцы прызёраў сёлета школьнікі з Бярэзіна, Маладзечна і Салігорска. Яны атрымалі прызы і ўзнагароды. Аднак галоўнае ў такім спаборніцтве – карысныя веды, якія дапамагаюць захаваць жыццё.
