Міждзяржсавет па антыманапольнай палітыцы краін СНД праходзіць у анлайн-рэжыме

23 апреля 2021

Аб працы антыманапольных органаў краін СНД  у перыяд пандэміі  гаварылі сёння на пасяджэнні Міждзяржсавета  па антыманапольнай палітыцы. Размова ішла аб тым, як развіваць канкурэнцыю і ў выпадку неабходнасці  рэгуляваць цэны. У Беларусі  ў гэтым ёсць вопыт. Улічваючы, што сусветныя цэны на харчаванне б'юць 7-гадовыя рэкорды і ўжо адзначаны  рост на чвэрць, наша краіна з сакавіка  абмежавала ў павелічэнні кошту  асноўныя прадукты харчавання: малочныя, мясныя, крупы, алей, гародніну.

Тут  дзве мэты:  даступнасць гэтых тавараў  для сваіх пакупнікоў і бесперабойныя пастаўкі іх у гандаль. Для гэтага  кожнае павышэнне цаны на імпарт звышнормы  разглядаецца кропкава, улічваюцца і сусветная кан'юнктура, і лагістычныя выдаткі. Таксама важна сёння і наяўнасць неабходных лекаў  на рынку СНД.

Гаварылі сёння і  аб змовах на гандлі, і як перарываць такія дзеянні.  Кожная з краін падзеліцца сваім бачаннем рашэння гэтай праблемы з улікам развіцця зараз  лічбавых тэхналогій.