У маёнтку беларускага Дзеда Мароза расказалі пра новы сімвал навагодніх святаў. Рэч у тым, што самай старой елкі ў Еўропе не стала напрыканцы ліпеня, дрэва прыйшлося спілаваць. Ігліца засохла. Гэты працэс, гавораць супрацоўнікі нацыянальнага парку, назіраўся некалькіх гадоў. Зялёную прыгажуню спрабавалі рэанімаваць, падкормлівалі глебу ўгнаеннямі, але ўзрост елкі ўсё ж узяў сваё. Дарэчы, елка з'яўлялася рэкардсменкай. Мінулай зімой адзначыла свой апошні юбілей - 150 гадоў.
Вячаслаў Краўчук, навуковы супрацоўнік Нацыянальнага парку Белавежская Пушча: У Белавежскай Пушчы елка знаходзіцца на мяжы свайго натуральнага асяроддзя пасялення, таму яна няўстойлівая да розных дробных перамен клімату. Некалькі гадоў запар засушлівае лета, цёплая зіма - елка аслабела. Да таго ж яе узрост. Елка дасягае 130-150 гадоў і натуральным чынам проста гіне, як і ўсё жывое.
Дзед Мароз, гаспадар маёнтка: Чараўніцтва абавязкова адбудзецца. На змену прыйдзе яшчэ больш прыгожая, пухнатая, маладая, зялёная елка. Так што вы прыедзеце праз некаторы час і пераканаецеся, што Дзед Мароз меў рацыю: ніколі Новы год без елкі не будзе. Я вам даю абяцанне.
У Белавежскай Пушчы гавораць, што ўжо выбралі елку, вакол якой і будуць вадзіць карагоды госці маёнтка. Перасадка дрэва запланаваная на сярэдзіну восені.
