Дата 7-га лістапада стала лёсавызначальнай не толькі для краіны. Але і для ўсяго свету. У выніку лістападаўскіх падзей 1917 года простыя людзі атрымалі права на працу, адукацыю, адпачынак, удзел у кіраванні краінай. Сёння даніну гістарычным падзеям 1917 года аддалі і ў Мінску. На плошчы Незалежнасці да помніка Уладзіміру Леніну кветкі ўсклалі прадстаўнікі Кампартыі Беларусі, грамадскіх аб'яднанняў, таксама працоўныя калектывы Беларусі. А для жыхароў нашай краіны шматгадовая і добрая традыцыя - атрымліваць важкія прэзенты да лістападаўскіх святаў - сёння атрымала свой працяг. Падарункам для мінчан стаў новы жылы дом у Заводскім раёне. У Слуцку пасля рэканструкцыі адкрылі будынак дзяржархіва. А Нясвіжы - дом-інтэрнат. Надзея Сербіненка аб тым, як краіна адзначыла 7 Лістапада.
25 кастрычніка 1917-га (па старым стылі) або 7 лістапада - па новым. Гэтую дату ў гісторыі завуць чырвоным днём календара. Тады ў Маскве быў зрынуты Часовы ўрад, і да ўлады дашлі бальшавікі. Рэвалюцыя адбылася ўвосень 1917-га, а ўжо праз год - 7 лістапада (па грыгарыянскім календары) маладая савецкая дзяржава ўпершыню адзначыла Дзень Сусветнай Кастрычніцкай сацыялістычнай рэвалюцыі. Самому святу сёння спаўняецца роўна 100 гадоў, а з моманту рэвалюцыі прайшоў ужо 101 год.
Дзень Сусветнай Кастрычніцкай рэвалюцыі - свята, якое не губляе сваёй актуальнасці і праз 101 год. Плошча Незалежнасці - своеасаблівы цэнтр, ядро не толькі Мінска, але і ўсёй краіны - чарговы раз становіцца цэнтрам святочных падзей. Тут, да помніка Леніну, ускладаюць кветкі. І, успамінаючы аб савецкім мінулым, глядзяць ужо ў беларускую будучыню.
Дзень Кастрычніцкай рэвалюцыі застаецца афіцыйным выхадным у нашай краіне - і Беларусь адна з нешматлікіх краін, дзе традыцыю захавалі.
Шмат маладых людзей сталі ўдзельнікамі мітынгу. Сярод іх - і актывісты галоўнай моладзевай арганізацыі краіны - БРСМ.
Традыцыі свята пачалі фарміравацца ў 1920-30-я гады - гэта дэманстрацыі, шэсці. Яшчэ адзін звычай - дарыць значныя падарункі. Да свята ў сталіцы аднавілі будынак Мінскага чыгуначнага вакзала, пабудавалі Дом урада, мінскі аэрапорт. У розныя гады - да 7 Лістапада ўрачыста адкрывалі кінатэатр "Перамога", мінскія ГУМ і ЦУМ.
Сяргей Васілевіч Канакоў аб будаўніцтве мастоў ведае ўсё. У справе - больш як 30 гадоў. На яго вачах адбывалася і рэканструкцыя навабеліцкага моста. Гэта, па сутнасці, частка вялікага шляху ў Расію і Украіну, ён жа злучае асобныя раёны Гомеля. Гэта зараз мост парыць над Сожам, але яшчэ 10 гадоў таму быў патэнцыйна небяспечным аб'ектам. Пабудаваны ў 1953 годзе, мост з часам не вытрымаў узрослай грузаплыні. Было вырашана побач будаваць абсалютна новы мост.
Новы мост узвялі за 30 месяцаў. А чырвоную стужку перарэзалі роўна 9 гадоў таму, 7 лістапада. Масты і сёння стаяць побач.
Яшчэ адным падарункам для жыхароў Гомельскага рэгіёна стаў мост над Прыпяццю - паміж Жыткавічамі і Туравам. Калі ў снежні мінулага года стары мост даў расколіну, яго закрылі. З тых часоў, каб трапіць з аднаго берага на другі, прыходзілася ехаць у аб'езд 300 кіламетраў. Аляксандр Лукашэнка даручыў наладзіць часовыя пантонную і паромную пераправы, а таксама адкрыць новы мост менавіта да 7 Лістапада. У цэлым, сама тэма чырвонага дня ў календары гучыць сёння па-асабліваму. Беларусь не імкнецца перапісаць гісторыю, а гаворыць аб уроках той гістарычнай падзеі.
Не меней значны падарунак да 7 Лістапада - толькі ў 2013-м - атрымаў і Віцебскі рэгіён. Прадпрыемства па перапрацоўцы малака ў Браславе з'явілася ў 1987-м, але да сярэдзіны нулявых абсталяванне безнадзейна састарэла, вытворчасць была нерэнтабельнай. Стаяла пытанне: закрываць або прадаваць? А калектыў у 150 чалавек? У 2010 годзе з дзяржаўнай дапамогай пачалі мадэрнізацыю. Па сутнасці, завод быў пабудаваны зноўку - зарабіў сучасны сырны цэх. Майстар-сырароб Ірына Яроцкая больш як 30 гадоў працуе на прадпрыемстве. Але добра памятае адчуванні, калі зайшла на абноўлены завод.
Яшчэ адзін падарунак. У Слуцку адкрыўся занальны дзяржархіў. Фондам даўно стала цесна ў старых сценах. Раней дакументы захоўваліся ў падвале жылога дома і сярэдняй школы. Новы архіў змясціў каля 150 тысяч спраў. Адмысловую каштоўнасць уяўляюць фонды часоў станаўлення дзяржавы і гадоў Вялікай Айчыннай вайны.
У Нясвіжы свае дзверы расчыніла аддзяленне кругласутачнага знаходжання для пажылых людзей і інвалідаў. Будынак сур'ёзна рэканструявалі, зрабілі сучасны рамонт. Сёння тут прадугледжаныя месцы для пражывання 30 чалавек. У Нясвіжскім раёне гэтая адзіная ўстанова такога роду. Ужо ў сярэдзіне снежня сюды прыедуць першыя пастаяльцы.
У жыхароў вось гэтай 16-павярхоўкі 7 лістапада яшчэ і ўваходзіны. Новы дом на вуліцы Магнітнай пабудавалі нават раней за вызначаны тэрмін. Больш як сто сем'яў - у асноўным працаўнікі мінскай міліцыі - атрымалі ключы ад сваіх кватэр.
Свята 7 Лістапада, Дзень Кастрычніцкай рэвалюцыі, у Беларусі мае не толькі гістарычнае значэнне. Гэта добрая падстава парадаваць людзей і паднесці ім важкія падарункі за працу - аддзячыць новымі вуліцамі, мастамі, дамамі, школамі, якія будуць служыць яшчэ шмат гадоў.
