Новы лячэбны корпус раённай бальніцы ў Асіповічах прыме першых пацыентаў ужо сёлета і стане цэнтрам аказання сучаснай дыягнастычнай, хірургічнай і рэанімацыйнай дапамогі. У будынак пераедзе і радзільнае аддзяленне - зараз яны ў розных памяшканнях. Разам з будаўніцтвам ідзе падрыхтоўка кадраў: створаць 30 рабочых месцаў і набудуць камп'ютарны тамограф за кошт Міністэрства аховы здароўя. На базе бальніцы будзе адкрыта і аддзяленне гемадыялізу. З ходам будаўніцтва і якасцю аказваемых медпаслуг у раёне сёння азнаёміўся віцэ-прэм'ер Ігар Петрышэнка. У рамках адзінага дня інфармавання ён сустрэўся з калектывам паліклінікі.
Да адкрыцця ў Асіповічах рыхтуецца і фізкультурна-аздараўленчы комплекс з аквапаркам, кафэ, заламі для заняткаў аэробікай і танцамі і трэнажорнай залай.
