Новыя правілы знаходжання беларускіх турыстаў у Турцыі ўводзяцца з 1 студзеня 2015

Пашпарты грамадзян нашай краіны, якія маюць права на бязвізавае наведванне Турцыі на працягу 30 дзён, павінны быць сапраўдныя не менш як 90 дзён з моманту ўезду ў гэтую рэспубліку. Пра гэта паведамілі ў МЗС Беларусі. Нагадаем, пагадненне паміж урадамі дзвюх краін аб узаемнай адмене віз уступіла ў сілу гэтым летам. Беларусы могуць знаходзіцца на тэрыторыі Турцыі, не афармляючы візы, на працягу 30 дзён з даты ўезду. На працягу аднаго года можна ўязджаць у рэспубліку без візы шмат разоў, але агульны тэрмін такога знаходжання не павінен перавышаць 90 дзён. Бязвізавы рэжым не распаўсюджваецца на паездкі з мэтай працы, вучобы, навуковай дзейнасці, уз'яднанні сям'і і пражывання.