Для тых, хто працуе ў складаных умовах, зараз больш варыянтаў выбару льготнай пенсіі. Гэта датычыцца ўрачоў, швачак, настаўнікаў, вадзіцеляў грамадскага транспарту, трактарыстаў і бортправаднікоў. Тыя, хто не паспеў напрацаваць сабе дадатковую пенсію па стажы ў асаблівых умовах працы, могуць пайсці на заслужаны адпачынак датэрмінова і пры гэтым не страціць у грашах. Тыя, хто гатовы працягваць працаваць, змогуць пасля атрымліваць і агульную пенсію, і даплату. Ад дзяржавы дадатковыя гарантыі прапісаны ва ўказе. Гэтыя нормы будуць адлюстраваны ў законе, які зараз рыхтуюць да прыняцця дэпутаты.
Плануецца, што дакумент Палата прадстаўнікоў разгледзіць на гэтай вясновай сесіі да канца чэрвеня. У цэлым ён датычыцца прыкладна 20 тысяч работнікаў.
Новыя падыходы па прафесійных пенсіях узаконяць
20 мая 2020