Галоўны прадказальнік маючых адбыцца хакейных баталій у Мінску сёння ўрачыста пераехаў у двухметровы акварыум, у сталічным цэнтры акеянаграфіі. Ён нагадвае хакейную пляцоўку і змяшчае каля тоны воды, якая па сваіх уласцівасцях ідэнтычная вадзе Баранцава мора, адкуль краб родам. Тут Пятровіч і зробіць прадказанні, якія ўвойдуць у гісторыю сусветнага спорту.
З наваселлем камчацкага аракула павіншавала Паліна Іванча.
Краба Пятровіча - галоўнага прадказальніка на маючым адбыцца сусветным хакейным першынстве - можна павіншаваць з наваселлем. Новыя прасторныя апартаменты класа люкс - двухмятровы акварыум - дакладная мінікопія сапраўднай хакейнай арэны.
Ігар Качаноўскі, намеснік Міністра прыродных рэсурсаў і аховы навакольнага асяроддзя: Гэтага краба Мінпрыроды будзе кантраляваць, адсочваць адпаведнасць умоў яго ўтрымання, яго рацыён, неабходны аб'ём вады і склад вады для яго жыццядзейнасці.
У госці да Пятровіча шматлікія ходзяць як на працу, па выхадных і ўвогуле - сапраўднае паломніцтва. Нядзіўна, камчацкі краб - зорка тэлеэфіраў і газет. Менавіта яму выпала місія прадказваць вынікі матчаў галоўных лядовых баталій у маі. І хоць зараз мы ведаем пра краба практычна ўсё: і што нарадзіўся ён у Баранцавым моры, і нават, што назвалі яго Пятровічам маракі - найважнейшая інтрыга, якім жа чынам краб прадкажа спартыўную будучыню, дагэтуль застаецца ў сакрэце.
Аляксей Азараў, дырэктар цэнтра акеянаграфіі Адкрыты акіян: Давайце не будзем забягаць наперад. Шайба будзе выкарыстоўвацца ў прадказанні крабам Пятровічам вынікаў гульняў чэмпіянату свету па хакеі. Пакуль жа ўсё пакінем у таямніцы.
Пакуль журналісты-скептыкі задаюцца пытаннем - ці надзелены наогул Пятровіч дарам празорлівасці, працаўнікі цэнтра акеянаграфіі ў гэтым нават не сумняваюцца. Паводле іх слоў, краб з першых дзён праявіў выдатны розум і дапытлівасць.
Аляксей Азараў, дырэктар цэнтра акеянаграфіі Адкрыты акіян: Звярніце ўвагу, ён бачыць нас, стаў назіраць. А што ж тут такое адбываецца. Гэта як раз тое, пра што я гаварыў. Вось такі дапытлівы краб.
Акрамя дапытлівасці, Пятровіч яшчэ і гурман. Харчуецца - выключна далікатэсамі: у рацыёне крэветкі, вустрыцы, марожаная рыба. А да чэмпіянату свету па хакеі ў Снежнай зале плануюць адкрыць нават вустрычны бар, дзе ўсе жадаючыя змогуць пакаштаваць сахалінскіх і ўладзівастоцкіх вустрыц, прыгатаваных паводле эксклюзіўных рэцэптаў маракоў-падводнікаў.
Чэслаў Шульга, намеснік Міністра спорту і турызму Беларусі: Мы бачым у гэтым добрая нагода і матыў лішні раз прыехаць і пазнаёміцца з нашай цудоўнай краінай. Можа быць, аж да таго, што арганізуюць нейкі асобны кірунак экскурсій, паездак, дзе сімвалам асноўным будзе краб.
А на сценах Снежнай залы - дзіцячыя малюнкі. На конкурс пад слоганам Краб гуляе ў хакей свае працы даслалі больш за 200 хлопчыкаў і дзяўчынак з усёй краіны, лепшыя з іх зараз - у новых апартаментах.
Аліна Какоўская, пераможніца конкурсу малюнкаў Краб гуляе ў хакей: Ён не вельмі падобны на таго, якога я малявала. Мне падказала наш кіраўнік, яна сказала, малюй такога, няхай не будзе падобны на астатніх.
Пасля сусветнага хакейнага першынства краб Пятровіч застанецца ў Мінску і, магчыма, нават зоймецца прадказаннямі лёсаў беларусаў. Трапіць на сеанс да камчацкага аракула зможа абсалютна кожны, купіўшы білет у цэнтр акеянаграфіі. Даведацца сваю будучыню паспеюць усе жадаючыя - часу звышдастаткова, бо каралеўскія крабы, такія, як наш Пятровіч, у сярэднім жывуць да 30 гадоў.
