Навагодняя ноч выдалася дастаткова спакойнай, аб гэтым расказалі ў МУС краіны. Грубых парушэнняў грамадскага парадку і злачынстваў не зафіксавана.
У МНС паведамілі аб 9-ці пацярпелых ад піратэхнікі ў навагоднюю ноч. Пяцёра - у Мінску і чатыры - у Віцебскім рэгіёне.
Так, у сталіцы 10-класнік падпаліў петарду ў кватэры і атрымаў пералом пальца рукі і апёкі. Пацярпела ад феерверка і 13-гадовае дзіця. Дапамога медыкаў спатрэбілася і дарослым - з-за няправільнага выкарыстання бенгальскіх агнёў. Акрамя таго, на нумар 101 паступілі паведамленні, што ў вокны дзвюх кватэр у Мінску заляцелі петарды.
У Гомелі ў навагоднюю ноч ратавальнікам двойчы прыйшлося тушыць штучныя вулічныя ёлкі.