Гэтымі днямі ў сталіцы сабралося каля двух з паловай соцень навукоўцаў з Расіі, Узбекістана, Казахстана, Кітая, ЗША. Сёння другі дзень Міжнароднай навуковай канферэнцыя па біятэхналогіях. У праграме каля 180 дакладаў. Акрамя гэтага, гасцям у Акадэміі навук дэманструюць вынаходствы біяпрэпаратаў для сельскай гаспадаркі, прамысловасці і медыцыны, экалогіі і касметалогіі.
Прапанаваныя распрацоўкі ўжо ўкаранёныя ў рэальны сектар эканомікі. Гэта, як правіла, імпартазамяшчальныя прадукты. Некаторыя беларускія тэхналогіі рэалізуюцца за мяжой.
Яшчэ адна з апошніх распрацовак накіраваная на стварэнне фермента, які выкарыстоўваецца ў касметалогіі для стварэння касметычных сродкаў. Акрамя таго, нашы навукоўцы распрацоўваюць субстанцыі для стварэння лекавых прэпаратаў у барацьбе з анказахворваннямі.