Ацэнкі за ЦТ, якія абітурыенты атрымалі ў гэтым годзе, больш набліжаныя да школьных атэстатаў. Новая методыка падліку балаў дазволіла зрабіць гэты працэс яшчэ больш празрыстым. Пра ўступную кампанію і беларускую адукацыю ў цэлым распавёў сёння кіраўнік ведамства Ігар Карпенка на сустрэчы з дэлегацыяй прарэктараў з Узбекістана. Акрамя таго, міністр адзначыў, што, паводле папярэдніх звестак, можна смела сказаць: уступная кампанія праходзіць у штатным рэжыме.
Асаблівасці беларускай адукацыі прарэктары з Узбекістана будуць вывучаць наступны месяц. У праграме - наведванне сямі ВНУ, экскурсіі па Мінску, Брэсце і Полацку, а таксама візіт на БелАЗ. Галоўныя тэмы стажыроўкі - падрыхтоўка маладых спецыялістаў і практыкаарыентаванасць адукацыі.
