Новая алея ў Лошыцкім парку

17 сентября 2021

Аб'ядноўвае беларусаў любоў да сваёй малой радзімы - яе добраўпарадкаванне і навядзенне парадку на зямлі. Сёння ў сталіцы  заклалі сімвалічную "Алею адзінства". Так, ландшафт сталічнага Лошыцкага парку ўзбагацілі 10 ліп, іх высадзілі побач з маладымі клёнамі. Зялёную акцыю падтрымалі жыхары сталіцы, спецыялісты Зелянбуда і супрацоўнікі Міністэрства прыродных рэсурсаў. Ім пашанцавала высадзіць трохмільённы саджанец  у рамках кампаніі па азеляненні Беларусі. Улік новавысаджаных дрэў вялі на працягу трох гадоў.

Дарэчы,  сама акцыя "Пасадзі дрэва" працягнецца да канца восені. Да 30 лістапада ўнесці свой  уклад у паляпшэнне экалогіі вуліцы, парку альбо сквера можа кожны.