Медыкі, сацработнікі, настаўнікі і выхавальнікі - асноўныя катэгорыі працаўнікоў, чые разлікоўкі прымуць новы выгляд
Як запэўніваюць распрацоўшчыкі, колькасць пазіцый у разліковым лістку паменшыцца, але гэта не паўплывае на выніковыя сумы даходаў.Па-першае, новая сістэма спрашчае структуру зарплаты. Зараз яна будзе ўключаць аклад, а таксама стымулюючыя і кампенсавальныя выплаты. Прычым, аклад стане больш, чым пераменная, якая ўключае надбаўкі і прэміі.
Чаму так? Справа ў тым, што тарыфную стаўку, ад якой "скакалі" ранейшыя разлікі, заменяць на базавую большага памеру. Аклад разлічаць па формуле: базавая стаўка, памножаная на тарыфны разрад - у залежнасці ад пасады работніка.
Пры гэтым у тарыфнай сетцы замест 27 разрадаў застанецца 18. Дыферэнцыяцыя паміж імі складзе каля 6%. І гэта будзе стымулам для працаўнікоў павышаць сваю кваліфікацыю, а з ёй і разрад.
Надбаўкі і даплаты будуць устанаўлівацца ў цэнтралізаваным парадку
Напрыклад, надбаўка за стаж, выплата на аздараўленне, матдапамога, даплата за працу па кантракце або ў выхадныя і іншыя выплаты - усе яны, як і раней, будуць уключаныя ў разлікоўку. Медыкам, у прыватнасці, захавалі ўсе галіновыя даплаты: за ўчастковую службу, працу на хуткай, тэхналагічныя аперацыі для хірургаў і г. д.
Апасенні ў бюджэтнікаў выклікала памяншэнне прэміяльных да 5%. У Мінпрацы растлумачылі: гэтыя сродкі пераразмяркуюць на карысць іншых надбавак. А па іх працэнты выраслі значна - з 50% летась да 200% сёлета.
Андрэй Лабовіч, першы намеснік міністра працы і сацабароны Беларусі: "Асноватворны фактар, які мы заклалі ў нормы ўказу: у момант пераходу на новую сістэму аплаты працы паніжэння ўзроўню зарплаты па кожным работніку адбыцца не павінна. Гэта прапісана ў адным з пунктаў указу, гэта адказнасць кожнага кіраўніка арганізацыі. Калі сёння вы атрымліваеце тысячу рублёў, то тысячу рублёў вы атрымаеце (не менш прынамсі) і ў студзені. Але структура гэтай зарплаты будзе ў разліковым лісточку. Калі зараз 15 і больш радкоў, то будзе іх значна менш. Будзе зразумела і празрыста, за што вы атрымліваеце тыя або іншыя даплаты і надбаўкі".
Таксама для бюджэтнікаў прадугледжана павышэнне зарплат на 10%. На гэтыя мэты дадаткова накіруюць 1,8 мільярда рублёў.
