Ноч аматараў папкорну прайшла ў Мінску

13 Ліпеня 2013

Сапраўдны кінамарафон пасля поўначы арганізавалі для тых, хто прапусціў ліпеньскія прэм'еры. У Доме кіно па чарзе паказалі адразу тры карціны. Хто здаўся бліжэй да раніцы і заснуў прама падчас сеанса - раскажа Дар'я Бігун.



У мінулы раз, у чэрвені, квіткі на ноч кіно раскупілі за чатыры дні да пачатку мерапрыемства. Напярэдадні ж у Доме кіно таксама не было свабодных месцаў. Мабыць, кінаманы засумавалі па начных паказах.


Кінаманы жартуюць, што нават калі б заўтра быў працоўны дзень, ні за што б не прапусцілі гэту падзею. Такія паказы ў Мінску пачалі арганізоўваць дзесяць гадоў таму з-за цяжкай спякоты. З прыходам восені праграмы спынялі.


Марафон кіно пачаўся за гадзіну да поўначы. Невялікая затрымка дазволіла гасцям абмеркаваць іншыя навінкі гадавога пракату.


І хоць большасць прысутных падрыхтаваліся да начнога прагляду грунтоўна - добра выспаліся, некаторыя да апошняга сеанса ўсё ж такі здаліся.


Каб узбадзёрыцца, у перапынках паміж паказамі - забавы. Гульня ў мафію, фотасесіі, розыгрыш пуцёвак і выступленне музыкантаў.


За 150 тысяч гледачам паказалі тры чэрвеньскія прэм'еры: вострасюжэтны баявік, фільм жахаў і лёгкую прыгодніцкую камедыю. Паводле слоў арганізатараў, сёлета яны паспрабуюць працягнуць начныя паказы не толькі летам.