Нясвіжу - 800! Як адзін з самых міфічных гарадоў Мінскай вобласці адзначыў юбілей

14 августа 2023

Нясвіж маштабна адзначыў 800-гадовы юбілей. Для жыхароў і гасцей горада працавала больш за 15 разнастайных святочных пляцовак. Упершыню арганізавалі парад стылізаванай тэхнікі. На фестывалі сыру - дэгустацыі ад фермераў і майстар-класы ад шэф-повара. Юных удзельнікаў свята чакаў "Горад дзяцінства", фестываль марожанага і фарбаў. Таксама кожны, хто жадаў, мог убачыць горад з вышыні птушынага палёту.

Значнай падзеяй і падарункам для ўсяго Нясвіжскага раёна стала адкрыцце новай паліклінікі. Комплекс разлічаны на 400 наведванняў за змену. Меддапамогу будуць аказваць па 25 спецыяльнасцях.

З-за сваёй гісторыі горад стаў ключавым пунктам шматлікіх экскурсій. Толькі Нясвіжскі замак летась наведалі каля 320 тысяч чалавек. А за першае паўгоддзе 2023-га колькасць турыстаў ужо дасягнула 220 тысяч.