Беспрацоўных беларусаў, якія не выплацілі падатак, пакуль не будуць прыцягваць да адказнасці. Міністэрства па падатках і зборах да канца года ўдакладніць звесткі па плацельшчыках, хто быў уключаны ў базу памылкова, а хто яшчэ павінен атрымаць паведамленні ў найбліжэйшы час. Падатковыя органы ўжо накіравалі больш за 70 тысяч лістоў патэнцыяльным плацельшчыкам збору на фінансаванне дзяржвыдаткаў. Ад беспрацоўных беларусаў паступілі 3 мільёны дэнамінаваных рублёў, мільён грамадзяне выплацілі датэрмінова - наўзамен на 10-працэнтную скідку на падатак. Спецыялісты адзначаюць таксама агульную тэндэнцыю - грамадзяне сталі больш актыўна вырашаць пытанні свайго працаўладкавання.
Нагадаем, напярэдадні на нарадзе ў Кіраўніка дзяржавы абмяркоўвалі рэзанансны Дэкрэт аб папярэджанні сацыяльнага ўтрыманства. На думку Прэзідэнта, дакумент патрабуе прадуманай карэкціроўкі. Галоўная мэта - забяспечыць справядлівасць пры пакрыцці грамадзянамі дзяржаўных выдаткаў медыцыны, бяспекі, адукацыі, інфраструктуры і сацыяльнай абароны найбольш уразлівых слаёў.
Беспрацоўных беларусаў пакуль не будуць прыцягваць да адказнасці
7 декабря 2016