Непагадзь у Беларусі, якая суправаджаецца дажджом і мокрым снегам, прывяла да рэзкага пагаршэння дарожнага становішча. Віной усяму галалёдзіца. Па медыцынскую дапамогу з нагоды галалёдных траўм ужо звярнуліся каля 200 жыхароў Мінска. Некалькі дзясяткаў чалавек шпіталізаваныя (і гэта толькі даныя па сталіцы).
Адзначаецца і рост ДТЗ. Сёння раніцай аварыя адбылася на з'ездзе з МКАД. У кювеце апынуўся грузавік. Машына ехала з боку вуліцы Ваўпшасава. Паводле слоў вадзіцеля фуры, яго падрэзала БМВ. Шафёр паспрабаваў сысці ад сутыкнення, але большагруз стала занасіць. У выніку аўто з'ехала ў кювет і ўрэзалася ў дрэва. Вадзіцель не пацярпеў. Нагадаем, на сёння сіноптыкі абвясцілі аранжавы ўзровень небяспекі. Дождж, мокры снег будуць суправаджацца моцным ветрам.
