Незвычайныя тралейбусы з'явіліся ў Брэсце

Машыны могуць працаваць без электрычнасці. Убудаваныя дызельныя генератары дазваляюць бескантактава рухацца транспартнаму сродку некалькі кіламетраў.

Тэхнічную навінку ацаніла Вікторыя Патоня.
Першыя і адзіныя ў краіне тралейбусы, здольныя ездзіць без электрычнасці некалькі дзясяткаў кіламетраў, з'явіліся ў Брэсце. Пакуль яны праходзяць апрабацыю і тэхнічную праверку. Але ўжо ў чэрвені выйдуць на лінію.
У Брэсце пакуль тры прадстаўнікі тэхнічнага ноу-хау. Іх заказвалі спецыяльна для новага маршруту. З-за таго, што перасякаць чыгунку кантактнай лініяй катэгарычна забаронена, і былі набытыя гэтыя машыны.
Ігар Жмінько, дырэктар КУТП Тралейбусны парк:
На гэты момант у рэспубліцы такіх тралейбусаў больш няма. Гэтыя тралейбусы былі распрацаваны спецыяльна для арганізацыі маршруту, дзе няма кантактнай сеткі. Мы плануем закупіць яшчэ 3 машыны. І на маршруце будзе працаваць не менш як 4 машыны.
Вырабленыя тралейбусы на беларускім прадпрыемстве. А вось дызель-генератар нямецкай вытворчасці. Дзякуючы менавіта гэтаму прыстасаванню тралейбус і здольны ехаць бескантактна нават 300 кіламетраў. Выпрабаванне правялі падчас перагону машын па галоўнай магістралі краіны. Незвычайнае падарожжа з Мінска ў Брэст на тралейбусе ажыццявіў вадзіцель Валерый Лучыц.
Каб абясточыць машыну, вадзіцелю не давядзецца выходзіць на праезную частку, у кабіне ёсць спецыяльная кнопка. Тралейбус таксама абсталяваны сістэмай для людзей з абмежаванымі магчымасцямі, на прыпынках машына нахіляецца да бардзюра.