Адзін за адным інструктар Алег дакладнымі кідкамі адпраўляе адразу чатыры нажы ў самы цэнтр мішэні. Хоць гэта і не алімпійскі від спорта, але ўсё ж такі па ім праводзяцца шматлікія спаборніцтвы. А таму чэмпіён свету нават калі і захоча, не можа кінуць нож так, каб не трапіць у яблычак.
Каб дасягнуць такога ж майстэрства, патрабуюцца гады трэніровак, але майстар абяцае: праз паўгадзіны першыя вынікі будуць нават у навічка. Але спачатку некалькі нескладаных практыкаванняў на каардынацыю. Адно з іх, аўтарскае, называецца… ламбада.
Спачатку капрызныя нажы ляцяць у столь, падлогу, сцяну - куды заўгодна, толькі не ў мішэнь. Але праз некаторы час снарады пачынаюць паддавацца. У гэтым відзе спорту няма ўзроставых абмежаванняў, але ў гэтым ціры менавіта на курсах па кіданні нажоў трэніруюць толькі дарослых альбо дзяцей з 14 гадоў разам з бацькамі. А вось дзяўчаты гэта ці хлопцы не мае ніякага значэння.
Трэніраваць незвычайныя навыкі можна круглы год - усе заняткі праводзяцца ў памяшканні. Акрамя таго, тут навучаць абыходзіцца з арбалетам, лукам ці пнеўматыкай.
