Некаторыя лебедзі засталіся на зімоўку ў Мінскай вобласці

Даволі цёплая зіма і наяўнасць вадаёмаў, якія не замярзаюць, спрыяюць камфортнай зімоўцы птушак ў Беларусі. Так, амаль дзве сотні лебедзяў  засталіся ў Мінскай вобласці. Не адляцелі ў вырай белыя крылатыя ў Пухавіцкім, Маладзечанскім раёнах. Усяго на радзіме зімовыя месяцы правядуць больш за дзве тысячы лебедзяў. Акрамя гэтых велічных птушак, якія застаюцца на зімоўку, у вырай таксама не адлятаюць шэрыя жураўлі, галубы пароды вяхер і пеначкі.

Пры гэтым спецыялісты настойліва рэкамендуюць не закармліваць вадаплаўных птушак хлебам альбо батонам. На працягу зімы і качкі, і лебедзі ў стане знайсці сабе ежу самастойна. Калі ж ёсць жаданне прынесці крылатым ласунак, то лепш выкарыстоўваць аўсянае зерне альбо камякі.