Аб’ект на працягу чвэрці стагоддзя не выкарыстоўваецца. Па вуліцы Карла Лібкнехта камбінат на 20 тысяч тон захоўвання агародніны ўжо знаходзіцца ў аварыйным стане. Будынак не падлягае ні кансервацыі, ні далейшаму будаўніцтву.
З гісторыяй даўгабуда знаёмілася Юлія Токар.
Тут можна знайсці самаробныя лыжкі, бутэлькі, брудную вопратку. Часовая прапіска на Карла Лібкнехта ў сховішчы для агародніны прываблівае толькі бяздомных. Іх не хвалююць ні калючы дрот, ні нават вартаўнік. Уладзімір разам са сваім Мухтарам і днём, і ноччу праводзіць агляд даўгабуда.
Гэтаму будынку ўжо больш за 25 гадоў. З-за адсутнасці фінансавання ў 2000-ых сховішча для агародніны так і не было дабудавана. А 4 гады таму падчас абследавання ўвогуле вырашылі – не падлягае ні кансервацыі, ні далейшаму будаўніцтву.
Аб’ект знаходзіцца ў аварыйным стане. Паводле ацэнак экспертаў, тэхнічны знос складае амаль 53%. Адзіныя, хто зацікавіліся даўгабудам, гэта бяздомныя.
Сховішча для агародніны амаль у цэнтры сталіцы не падабаецца і мінчанам, якія побач штодзень ходзяць на працу. Мясцовыя жыхары супраць такога суседства.
Памяшканне для агародніны будавалі для пашырэння ў Маскоўскім раёне аптова-рознічнага камбіната. Так, з 6 з паловай тысяч тон агародніны ўдалося б захаваць больш за 20.
Алена Бердніковіч, начальнік гандлёва-закупачнага прадпрыемства "Партызанскае": "На балансе нашага прадпрыемства лічыцца незавершанае будаўніцтва. У выніку рэарганізацыі ў 2004 да КУП "Партызанскае" было далучана УП АРПК Маскоўскага раёна, на балансе якога і лічылася гэта незавершанае будаўніцтва".
Паводле слоў уладальнікаў будынка, у іх былі мары аб будаўніцтве бізнес-цэнтра на гэтым месцы. Але ж інвестараў пакуль няма, а тэрміну зносу не вызначаны.
Алена Бердніковіч, начальнік гандлёва-закупачнага прадпрыемства "Партызанскае": "Было даручэнне распрацаваць канцэпцыю забудовы тэрыторыі не толькі нашага прадпрыемства. Але побач "Шчотка", "Сукно". Таму як бы даручэнні былі яшчэ ў 2012-2013, г.з. канкрэтна займалася Мінгармаёмасць, галоўнае упраўленне спажывецкага рынку".
Але гэтыя пытанні пакуль застаюцца адкрытымі. І пра рэнтабельнасць гаварыць немагчыма.
