На суботнік выйшлі і жыхары ўсіх рэгіёнаў. Працавалі ў парках, на тэрыторыі мемарыялаў і ў новых бальніцах. Сёлета менавіта медыцынскім аб'ектам увага асаблівая. Аб дакладных сумах у рублях крыху пазней, пакуль жа самы час падвесці вынікі працы.
Ксенія Рабчынская пра манію чысціні, якая ахапіла сёння ўсю краіну. У культурнай сталіцы Беларусі суботнік набыў асаблівы шарм. У Гродне адкрыліся адразу некалькі каменных скульптур. Адну з іх - Пятрушку - усталявалі каля Гродзенскага тэатра лялек. Кампазіцыі пасля суботніка нікуды не знікнуць, як не знікне і новая алея з паркам.
У Гомельскім рэгіёне суботнік прайшоў у адной з бальніц, якая будуецца ў невялікім гарадку Лоеў. Зрабіць свой унёсак вырашылі і жыхары абласнога цэнтра. Усяго ў вобласці на суботнік выйшлі паўмільёна чалавек. Толькі паводле папярэдніх падлікаў, усе разам зарабілі каля 9 мільярдаў рублёў.
Яшчэ каля 8 мільярдаў накіруюцца ў анкацэнтр у Бараўлянах з Магілёўскай вобласці. Тут сёння пасадзілі адразу 200 тысяч дрэў. Працавалі не толькі на зямлі. Асаблівая ўвага - новаму хірургічнаму корпусу дзіцячай абласной бальніцы і па традыцыі паркам і скверам горада над Дняпром.
У Віцебску ўвага было прыкавана таксама да медыцынскага аб'екта - да новага тэрапеўтычнага корпуса абласной бальніцы.
У Брэсцкай вобласці рэкордная колькасць добраахвотнікаў займалася навядзеннем парадку ў Брэсцкай крэпасці. Арганізатары суботніка пераконваюць, што гэта не разавая акцыя, а пачатак гарадскога праекта пад назвай Бачыць крэпасць. Усе 230 гектараў зямлі з фартыфікацыйнымі будынкамі абяцаюць прыводзіць у парадак некалькі разоў на год. Гісторыі больш за іншыя кірункі патрэбна ўвага.
У Мінску актывісты Беларускага рэспубліканскага саюза моладзі добраўпарадкоўвалі адразу некалькі пляцовак. Адной з іх стаў парк Перамогі. Прычым, тут працавалі адразу некалькі пакаленняў беларусаў, побач з моладдзю - ветэраны.
Удзельнічалі ў суботніку, без перабольшання, усе грамадскія аб'яднанні краіны. Да акцыі далучыліся актывісты Белай Русі, прафсаюзы.
Супрацоўнікі Мінгарвыканкама сёння наводзілі парадак у парку Дружбы народаў. Тут не саджалі новыя дрэвы, але амаль цалкам ачысцілі парк ад леташняга лісця. Карысць суботніка толькі тут вымяраецца нават не кілаграмамі - цэнтнерамі.
Сёлета ў большасці рэгіёнаў праца, як гавораць, кіпела менавіта на медыцынскіх аб'ектах. Новую паліклініку ў мінскім мікрараёне Дружба таксама не пакінулі без увагі. Поруч з будаўнікамі тут працавалі работнікі камітэта аховы здароўя.
А ў Чэрвені школьнікі разам з камандай кіраўніка цэнтральнага рэгіёну навялі парадак у парку, дзе нядаўна самі пасадзілі дрэвы.
Нават паставыя і следчыя сёння змянілі форму праваахоўную на рабочае адзенне. У Маладзечне дзякуючы вартавым парадку з'явілася новая алея,
А байцы ўнутраных войскаў за адзін дзень паспелі папрацаваць на добраўпарадкаванні адразу ў некалькіх раёнах сталіцы.
Аб навядзенні парадку на тэрыторыі новага цэнтра дыягностыкі ракавых захворванняў размова пакуль не ідзе - будаўніцтва ў самым разгары. Лабараторыя, згодна з планам, прыме першых пацыентаў у першай палове 2015 года. Але сёння ўсе беларусы, безумоўна, наблізілі момант адкрыцця цэнтра. Усе сродкі, якія мы з вамі зарабілі на суботніку, будуць накіраваны ў анкацэнтр у Бараўлянах.
Колькі жыццяў будзе выратавана - падлічыць немагчыма, але адназначна - беларусы працавалі дзеля таго, што даражэй любых грошай.