Нацыянальны аэрапорт Мінск падкарэкціраваў расклад палётаў

16 Ліпеня 2016

Турцыя сёння то аднаўляла паветраныя зносіны, то закрывала прастору. Паводле апошніх звестак, аэрапорт імя Атацюрка не будзе прымаць і адпраўляць рэйсы да вечара. Нацыянальны аэрапорт Мінск у сувязі з трагедыяй у Ніцы і спробай дзяржперавароту ў Турцыі падкарэкціраваў расклад палётаў. Больш падрабязна аб сітуацыі ў паветранай гавані нам раскажа мая калега.

І прама зараз на сувязь са студыяй з Нацыянальнага аэрапорта Мінск выходзіць наш карэспандэнт Вольга Анішчанка.

Нацыянальны аэрапорт Мінск сёння падкарэкціраваў расклад палётаў. Сітуацыя ў Турцыі напроста паўплывала на выкананне рэйсаў у Анталію. Ранішні рэйс перанеслі на вечар. Як чакаецца, вылецець турысты змогуць у 18:15.

Чакаецца, што турысты ў Мінск прыбудуць ужо глыбокай ноччу, фактычна ў нядзелю. Стойка рэгістрацыі адкрыецца ў пачатку пятага. Але зразумела, што шматлікія тут з самай раніцы.

У гэтыя хвіліны Нацыянальны аэрапорт Мінск у чаканні рэйса з французскай Ніцы. Першага з моманту трагічных падзей чацвярга. Літаральна праз 10-15 хвілін борт "Белавія" павінен прызямліцца ў Мінску. Самалёт вылецеў строга па раскладзе, без затрымак: сайт авіякампаніі пастаянна абнаўляе гэтую інфармацыю. Таму зусім хутка сваякі і сябры змогуць убачыць сваіх блізкіх і ўпэўніцца, што з імі ўсё ў парадку.

Трэба сказаць, што гэты невялікі французскі курорт набірае папулярнасць сярод беларусаў. Прамы рэйс з Мінска адкрывалі ледзь больш за 2 гады таму. І "Белавія" нам пацвердзіла: самалёты ў Ніцу і зваротна паўпарожнімі не лятаюць. Попыт сапраўды ёсць. А з улікам таго, што выконваюцца палёты ў Ніцу тройчы на тыдзень, беларускіх турыстаў на курорце ў гэтыя дні нямала. Сёння ў беларускай сталіцы чакаюць таксама поўны самалёт. Тых, хто гэты адпачынак на Блакітным беразе, напэўна, запомніць надоўга.

Дадам, авіязносіны з Францыяй застаюцца без змяненняў. З Мінска і Парыж, і Ніца па-ранейшаму стаяць у раскладзе: "Белавія" не плануе адмяняць авіярэйсы.

Напярэдадні авіякампанія заявіла: турысты, якія вырашаць адкласці паездку ў Ніцу, могуць вярнуць білеты або перанесці найбліжэйшыя даты вылету. І пры гэтым штрафных санкцый не будзе. Зрабіць гэта можна ў касах "Белавія", а таксама звярнуцца ў кругласутачную службу падтрымкі па электроннай пошце. Уся інфармацыя ёсць на сайце "Белавія".


Папулярныя

Рэкамендуемыя

Зараз чытаюць

Рэкамендуемыя