Беларусам прапаноўваюць самастойна выбіраць банк для абслугоўвання. А фінустановы змогуць бясплатна адкрываць рахункі для фізасоб. Усе гэтыя задачы дазволіць ажыццявіць укараненне канцэпцыі базавага рахунку. Яе курыруе Нацбанк. Сутнасць новаўвядзення - у адыходзе ад зарплатных праектаў, калі наймальнік, а значыць, і яго працаўнік прывязаныя да пэўнага банка. Зараз грамадзяне атрымаюць свабоду выбару. Галоўнае, каб аперацыі па рахунку не былі звязаныя з прадпрымальніцкай дзейнасцю.
Сяргей Калечыц, намеснік старшыні праўлення Нацбанка Беларусі: "Мы гаворым пра тое, што людзі павінны самі выбіраць банк, у якім хочуць абслугоўвацца. І адна з магчымасцяў рашэння гэтага пытання - гэта стварэнне базавага рахунку. Г.зн. гэта той рахунак, які грамадзянін можа атрымаць у любым банку, дзе ён будзе абслугоўвацца бясплатна. Базавы набор паслуг ён будзе атрымліваць бясплатна. Залічэнне, атрыманне сродкаў і г.д. Калі ён хоча выкарыстаць дадатковыя паслугі - гэта пытанне альбо выкарыстання дадатковых опцый, альбо выбар іншага банка, іншага рахунку".
Доступ да базавага рахунку забяспечаць карткі Белкарт. Іх функцыянал пашыраць пры дапамозе расійскай сістэмы аплатных карт "Свет".
Нацбанк Беларусі ўкарэніць канцэпцыю базавага рахунку для фізасоб
14 июня 2019