Адно з самых доўгачаканых і душэўных святаў "Александрыя збірае сяброў". Сёння яно 10-ты раз сустракае лепшыя творчыя калектывы і майстроў з Беларусі, Расіі, Польшчы, Прыбалтыкі і Украіны на маляўнічым беразе Дняпра. Тут можна акунуцца ў каларыт нацыянальных культур, закруціцца ў карагодах і знайсці яркі сувенір. Сёлета фестываль прысвечаны Году малой радзімы.
За яго насычанай культурна-забаўнай праграмай сочаць нашы карэспандэнты. Андрэй Ястрабаў гатовы перадаць першыя ўражанні з Александрыі.
З раніцы тут на галоўнай пляцоўцы - на беразе Дняпра, ля моста, які злучае аграгарадкі Александрыя і Копысь, збіраюцца госці фестывалю.Народныя калектывы, зоркі эстрады. Неўзабаве яны з'явяцца на канцэртных пляцоўках.
Загудзіць і горад майстроў. І тут не без неспадзевак. Сёлета прыехалі ювеліры з Дагестана - прапаноўваюць упрыгожванні з серабра. Ткачыхі з Башкірыі раскрыюць унікальную тэхналогію вязання знакамітых башкірскіх шаляў. І вядома, украінскія вышыванкі. І які фестываль без нацыянальных пачастункаў: і пакаштаваць можна будзе, і на хатні стол прыкупіць. У тым ліку сувеніры. Напрыклад, ІІ Еўрапейскіх гульняў. Толькі гандлёвых радоў звыш кіламетра. У праграме - святы квасу і караваяў. Дзіцячыя атракцыёны. Прэзентацыі "Рыцарскага фэста" і "Бард-рыбалкі". Цырк з сапраўдным манежам пад шатром. Увогуле, на любы густ. Чакаецца ўдзел у свяце паслоў з 25 краін. Дарэчы, на галоўны канцэрт, прысвечаны Году малой радзімы, білеты ўжо прададзеныя. Праўда, арганізатары супакойваюць: тыя, хто не патрапіць у залу ёмістасцю 3,5 тысячы месцаў, усё роўна ўсё ўбачаць.
І, вядома, начныя дыскатэкі з лепшымі дыджэямі. Усё гэта ўжо сёння ў праграме фестывалю.
Старт святу будзе дадзены менш як праз дзве гадзіны адразу на некалькіх канцэртных пляцоўках на малой сцэне. З удзелам аматарскіх і лепшых народных калектываў з розных краін.
Насычаная культурна-забаўная праграма чакае на свяце "Александрыя збірае сяброў"
6 июля 2019