Напярэдадні Дня навукі Прэзідэнт уручыў дыпломы дактароў і атэстаты прафесараў

23 Студзеня 2020
Беларускім навукоўцам гарантавана асаблівая падтрымка, а развіццё навукі захоўвае стратэгічную значнасць для краіны.

Дасягненні лепшых навукоўцаў адзначаны на самым высокім узроўні

Гэта сёння заявіў Прэзідэнт падчас  уручэння навуковай эліце дыпломаў доктара навук і атэстатаў прафесара. Урачыстая цырымонія папярэднічае Дню беларускай навукі. Штогод тых, чые адкрыцці працуюць на імідж краіны, удастойваюць самай высокай увагі. Такім чынам дзяржава не толькі адзначае наватарскія вынікі ў даследаваннях, але і ставіць перад навукоўцамі новыя канцэптуальныя задачы.

Сёння ў зале 18 чалавек. Кожны з іх дасягнуў вышынь у сваёй сферы

Гэта найноўшыя медыцынскія і тэхнічныя распрацоўкі, даследаванні ў галіне педагогікі, адкрыцці ў будаўніцтве і машынабудаванні. У цэлым навуковую супольнасць Беларусі папоўнілі каля 400 суіскальнікаў. Цікавасць да беларускай навуковай школы праяўляюць замежныя грамадзяне: сярод уладальнікаў навуковых  ступеняў 44  іншаземцы з 10 дзяржаў.