Сезон палявання на пушнога звера прыкметна дадаў працы інспектарам прыродааховы і, мяркуючы па лічбах, лік пакуль, на жаль, не на карысць прыроды. За тыдзень з моманту адкрыцця сезона 2 дзясяткі штрафаў, 5 крымінальных спраў і амаль 20 тысяч рублёў урону. І што характэрна - правіламі здабычы грэбуюць менавіта легальныя паляўнічыя. Часта яны атрымліваюць дазвол на пушніну, але здабываюць куды больш буйную дзічыну. Як паказала практыка, асноўныя парушэнні падчас масавага палявання - гэта браканьерства і нашэнне забароненых боепрыпасаў.
Згодна з новымі правіламі здабычы, за нашэнне забароненых патронаў паляўнічаму давядзецца заплаціць штраф. Да лібералізацыі заканадаўства ў гэтай сферы за такое парушэнне пазбаўлялі ліцэнзіі.