Начныя паляўнічыя, самаходна-артылерыйскія ўсталёўкі, аператыўны дэсант. Сёння на расійскім палігоне Стуругі Чырвоныя Пскоўскай вобласці было горача. Тут пачалася актыўная фаза вучэнняў КСАР АДКБ. Паводле легенды, у адну з краін - удзельніц Арганізацыі дагавора аб калектыўнай бяспецы незаконна ўварваўся праціўнік. Для яго выяўлення былі накіраваныя разведвальныя падраздзяленні Беларусі і Казахстана. Іх задача - знайсці дакладнае месцазнаходжанне саперніка, паведаміць каардынаты ў галоўны штаб. На дапамогу прыходзіць расійская авіяцыя. Гэта 50 ваенных самалётаў, верталётаў і беспілотнікаў, танкі і артылерыйскія ўсталёўкі. На сёння галоўная задача ўдзельнікаў узаемадзеяння - 2016 паказаць, як яны ўмеюць зладжана працаваць у сітуацыі, набліжанай да рэальнай.
Усяго ў вучэннях прымаюць удзел 6 тысяч вайскоўцаў. З іх больш як тысяча вайскоўцаў КСАР АДКБ. 5 тысяч - гэта салдаты Заходняй ваеннай акругі Расіі. Заўтра вучэнні пяройдуць у другую актыўную фазу. Асноўная мэта - разгром незаконных узброеных фарміраванняў.
