Трансфармацыя грамадскага аб'яднання ў партыю і падрыхтоўка да выбараў у мясцовыя Саветы. Гэтыя пытанні сталі сёння асноўнымі падчас пасяджэння савета "Белай Русі". Акрамя таго, сёння гаварылі і аб падрыхтоўцы да трэцяга з'езду - ён пройдзе ў Мінску ў канцы лістапада. Адзін з асноўных тэзісаў будучага сходу - трансфармацыя грамадскага аб'яднання ў партыю. Плануецца, што гэтае пытанне будзе вынесенае на абмеркаванне і галасаванне.
Акрамя таго, сёння кіраўніцтва "Белай Русі" падало справаздачу аб праробленай за пяць гадоў працы, а таксама абмяркоўвалася новая рэдакцыя статуту і праграмы аб'яднання.