На час лістападаўскіх выхадных прымежжа перайшло на ўзмоцнены рэжым працы

У прымежжы перайшлі на ўзмоцнены рэжым працы. На час лістападаўскіх выхадных  мытнае ведамства, а таксама Дзяржпагранкамітэт прымуць усе магчымыя меры, каб не дапусціць чэргаў у пунктах пропуску. Падчас святаў на межах традыцыйна павялічваецца транспартны і пасажырскі патокі. Сотні аўтамабіляў зараз чакаюць выезду ў Польшчу і Літву. У сувязі з гэтым пашыраны штат супрацоўнікаў у дзяжурных зменах. З пагранічнымі ведамствамі сумежных дзяржаў распрацаваныя задачы рытмічнасці афармлення машын.