Тут на працягу ўсяго дня праходзяць прэс-канферэнцыі кіраўніцтва Цэнтрвыбаркама.
Усю апошнюю інфармацыю даведаемся ў нашага карэспандэнта Святланы Лук’янюк.
Мы зараз знаходзімся ў зале прэс-канферэнцый інфацэнтра на гэтых парламенцкіх выбарах. Тут афіцыйная статыстыка аб ходзе галасавання для ўсёй прэсы, акрэдытаванай на гэтую кампанію. Амаль 700 журналістаў - і весткі з гэтай залы разлятаюцца па стужках інфармагенцтваў, тэле- і радыёэфірах. Некалькі хвілін таму завяршылася прэс-канферэнцыя намесніка кіраўніка Цэнтрвыбаркама Вадзіма Іпатава. І, вядома, самыя галоўныя звесткі - аб яўцы выбаршчыкаў на гэты момант, праз 6 гадзін пасля адкрыцця выбарчых участкаў па ўсёй краіне. Назаву толькі агульную лічбу - 55,47 % . А падрабязней пра тое, як галасуюць вобласці, давайце паслухаем зараз. Афіцыйныя звесткі ад ЦВК.
У лідарах Магілёўская вобласць - 62,25 %. Ва ўсіх акругах у Магілёўскай вобласці выбары адбыліся.
Віцебская вобласць - 61,12%. У Гомельскай вобласці прагаласавала 60,09 %. Выбары ва ўсіх акругах Гомельскай вобласці адбыліся. Мінская вобласць - 56,65 %. Гродзенская - 56,27 %. Брэсцкая вобласць - 52,09 %. Мінск - 44,57 % выбаршчыкаў.
На сувязі па традыцыі падчас прэс-канферэнцыі былі і вобласці (відэа).
Меркаванні Арцёма Турава, міжнароднага аглядальніка ад місіі СНД, і Сяргея Чыжыка, першага намесніка старшыні прэзідыума НАН Беларусі (відэа).
На сувязі па традыцыі падчас прэс-канферэнцыі былі і вобласці (відэа).
Меркаванні Арцёма Турава, міжнароднага аглядальніка ад місіі СНД, і Сяргея Чыжыка, першага намесніка старшыні прэзідыума НАН Беларусі (відэа).
Наступная прэс-канферэнцыя ў гэтай зале запланаваная праз паўтары гадзіны - у 17:00. Да прэсы зноў выйдзе намеснік кіраўніка ЦВК Вадзім Іпатаў. Мы абавязкова раскажам вам і пра свежыя лічбы галасавання, і пра пытанні, якія паступаюць у ЦВК на працягу дня ад назіральнікаў, выбаршчыкаў або кандыдатаў. А таксама пра што пыталі журналісты.
На сувязі з намі інфармацыйны цэнтр
17 ноября 2019