На станцыі метро "Юбілейная плошча" злучыліся другая і трэцяя лініі

30 марта 2020
Крыху  больш за  90 дзён застаецца да адкрыцця чатырох станцый трэцяй лініі сталічнага метро. Аб'екты  набываюць фінальны выгляд, адначасова аб’езджваюць і найноўшыя электрацягнікі. Актыўна працуюць і на станцыі "Юбілейная плошча". Гэта, дарэчы, адзін з самых складаных аб'ектаў метрабуда. Станцыя і  самая глыбокая - больш  за 30 метраў. Тут дзякуючы ўрэзцы стрэлачнага пераходу злучыліся другая і трэцяя лініі: атрымалася свайго роду транспартная развязка. Канструкцыя  станцыі  складаецца  з  чатырох узроўняў, на адным з якіх можна трапіць на "Фрунзенскую".

У трэцяй  веткі  Мінскага метрапалітэна будзе 14  станцый. Яна расцягнецца з поўначы на поўдзень на 17 кіламетраў.