На сайце МНС ёсць інтэрактыўная карта купеляў

Для купанняў на Вадохрышча па ўсёй краіне будуць абсталяваныя больш як 160 купеляў. МНС на сваім сайце падрыхтавала інтэрактыўную карту купеляў. Дзяжурства на іх будуць весці вадалазы АСВОДа, ратавальнікі, медыкі і міліцыя. Пры неабходнасці спецыялісты раскажуць, як падрыхтавацца да акунання, а ў выпадку няштатнай сітуацыі акажуць дапамогу.