Зараз на расчыстцы горада ад снегу задзейнічаны амаль чатыры сотні адзінак спецтэхнікі і каля 800 чалавек. Працуюць дарожныя службы ў кааперацыі з інспектарамі ДАІ, а таксама адміністрацыямі раёнаў, каб своечасова ўбіраць з праезнай часткі аўтамабілі, што перашкаджаюць уборцы. Расчыстка вуліц ад снегу будзе працягвацца пры неабходнасці і ноччу.
Паводле прагнозаў сіноптыкаў, актыўна працаваць на расчыстцы сталічных вуліц дарожнікам прыйдзецца і заўтра. Снег і завіруха, а таксама галалёдзіца чакаецца ноччу і раніцай. Ападкі спыняцца толькі ў другой палове дня.
