Сёння на праспекце Незалежнасці ў Мінску правялі следчы эксперымент па ДТЗ, у якім пацярпеў інспектар ДАІ. Следчыя цалкам рэканструявалі падзеі таго дня. Ад прыцягнення да эксперыменту матацыкла такой жа маркі і з тымі ж тэхнічнымі магчымасцямі да інкасацыйнай машыны, якая трапіла тады ў аварыю.
Нагадаем, 18 красавіка на скрыжаванні праспектаў Машэрава і Незалежнасці байкер збіў інспектара, а пасля разам з ім выехаў на ажыўленую праезную частку. У выніку абодва трапілі пад колы машыны з інкасатарамі. Цяжкія траўмы ў гэтым здарэнні атрымаў афіцэр. Ён перанёс некалькі складаных аперацый. І нядаўна інспектар ДАІ прыйшоў у сябе. Зараз яго стан стабільны. Ён праходзіць рэабілітацыю ў рэспубліканскім медыцынскім цэнтры ў Аксакаўшчыне. А той самы матацыкліст усё яшчэ пад вартай.
Калі следства будзе завершана, гэтыя кадры будуць апублікаваныя, паабяцалі ў Следчым камітэце. У эксперыменце - у мэтах аб'ектыўнасці - не задзейнічалі самога падазронага ў ДТЗ. Як толькі дазволяць медыкі, будзе дапытаны і інспектар, які пацярпеў.
